المصـــــــــــــــــــــــــيـف

[dr_mony_2010]

الحمد لله الامتحانات خلصت - لولولولولولولولولى :z027:
و النتيجة كمان قربت تطلع - الناجح يرفع ايده :winner_first_h4h_al
و هنروح المصيف -هيييييييييييييييييييييه

http://www.boswtol.com/mastaba/images/204/kamar_01.jpg

بعد ما انتهت حالة الطوارئ اللي كانت في كل البيوت علشان الامتحانات والقلق على النتيجة..

بدأت حالة طوارئ جديدة بس المرة دي حالة الطوارئ لذيذة جدا جدا؛ لأن كلنا بنستناها من السنة للسنة...

ما تستغربيش قوي كده من كلامي..

دلوقتي هتعرفي ليه دي حالة طوارئ لذيذة؛ لأنها طوارئ الاستعداد للمصيف..

وطبعا المشكلة اللي بتعكنن علينا كلنا هي مشكلة تجهيزات المصيف..

بتلاقي الكل متضايق قوي وزعلان ومحتار ياخد إيه ويسيب إيه؟؟؟ يعمل إيه ويسوي إيه؟؟؟

ده غير إن فيه بنات كتير مش بتحب تروح المصيف علشان بتخاف على بشرتها وعلى شعرها من جو المصيف...جتهم خيبه !!!

أحنا هنا عشان نساعد ف كل حاجة ....

تجهيزات ما قبل المصيف

-----------------------------

http://www.boswtol.com/mastaba/images/204/kamar_02.jpg

أكيد كلنا بنخاف من تجهيزات المصيف علشان بتاخد وقت وجهد كبير ده غير إننا ساعات بننسى حاجات وساعات تانية بنحط حاجات مالهاش لازمة وبتاخد مكان على الفاضي في شنطة السفر...

ده غير إنك بتلاقي البيت كله واقف على رجْل والكل عصبي وعمال يزعّق كأنكم داخلين معركة حربية.. الكل على أعصابه خايف ينسى حاجة.

وعلشان كل الحاجات دي ما تحصلش هنقولك دلوقتي على الخطوات اللي إنت تعمليها علشان تجهزي كل حاجة هتاخديها معاكي في هدوء شديد جدّاً من غير ما حد يحس...

نشوف مع بعض الخطوات دي..

أولا: هاتِ ورقة وقلم

http://www.boswtol.com/mastaba/images/204/kamar_03.jpg

قبل موعد المصيف بأسبوع هاتِ ورقة وقلم واعملي كوباية شاي كبيرة، واقعدي بينك وبين نفسك وفكّري في الحاجات اللي أنت هتحتاجي لها في المصيف واكتبيها...

وخدي بالك وإنت بتكتبي إنك تقسمي الورقة دي إلى قمسين:

القسم الأول سمّيه: "احتياجات أساسية للبيت"
ودي حاجات بسيطة بس لازم تاخديها معاكي؛ لأن ببساطة شديدة الحاجات دي مفيش بيت في أي مكان يقدر إنه يستغنى عنها والحاجات دي زي "قصافة"، مجموعة الإسعافات الأولية "قطن، شاش، والأدوية اللي بتحتاجي لها"، "مقص"، "إبرة"، "خيط"، "مشط"، "ملقاط"، "فوط كبيرة"، "فوط صغيرة"، "ملايات سرير"، "كوفرتة"، "ليفة"، "فرشة أسنان"، و"معجون أسنان".

والقسم التاني سمّيه: "احتياجات شخصية"
وده تكتبي فيه كل الحاجات الشخصية اللي إنت محتاجة لها في المصيف وعلشان ما تاخديش وقت في التفكير هنقول لك عليها وهي: "صن بلوك"، "كريم مرطب"، "كريم ملطف"، "كريم أو زيت للشعر"، "شامبو"، "بلسم"، "مزيل العرق"، "شنطة مكياجك العادية"، "زبدة كاكاو"، "بونيه للشعر"، "كاب للحماية من الشمس"، "مراية صغيرة"، و"نضارة شمس".

ثانيا: جهزي الملابس المناسبة

فيه حاجة لازم تاخدي بالك منها وإنت بتجهزي ملابس المصيف وهي إنك ما تخديش هدوم كتيرة واكتفي فقط بالملابس اللي هتحتاجي لها في الكام يوم اللي إنت قاعدة فيهم طبعا هتقولي: آخد إيه؟ وأسيب إيه؟..

حالا هأقول لك دلوقتي على الملابس اللي إنت محتاجة لها وهي:

-1-
هدوم خروج
http://www.boswtol.com/mastaba/images/204/kamar_04.jpg

ودي بتكون عبارة عن جوب وبلوزة وبنطلون علشان الفسح بالليل أو بالنهار واوعي تنسي إنك تختاري الألوان الفاتحة علشان تحسي بجمال المصيف..

-2-
هدوم للبلاج
http://www.boswtol.com/mastaba/images/204/kamar_05.jpg

شوفي يا قمر كل اللي هتحتاجيه بنطلون وتي شيرت أو تي شيرت وجوب علشان تلبسيهم وإنت قاعدة على البلاج ولازم تاخدي بالك إن الهدوم اللي هتلبسيها على البحر تكون هدوم ألوانها فاتحة؛ لأن زي ما إنت عارفة إن الهدوم الغامقة بتمتص أشعة الشمس ويا ريت كمان تكون الهدوم دي قطن أو كتان على قطن علشان تمتص العرق.

-3-
هدوم للنوم
http://www.boswtol.com/mastaba/images/204/kamar_06.jpg

حاولي ما تكتريش من هدوم النوم؛ لأنك مش هتحتاجيها كتير؛ لأن عادة مفيش حد بينام في المصيف غير كام ساعة على بعض، وبرضه خدي بالك إنك تجيبي هدوم قطن ويا ريت يكون فيهم حاجة بكم علشان ساعات الجو بيكون ساقعة في المصيف.

-4-
أحذية المصيف
http://www.boswtol.com/mastaba/images/204/kamar_07.jpg

http://www.boswtol.com/mastaba/images/204/kamar_08.jpg

حاولي تاخدي حاجات عملية علشان تساعدك على الحركة بسهولة سواء على الشاطئ أو وإنت خارجة بالليل.

-5-
شنطة للبلاج
http://www.boswtol.com/mastaba/images/204/kamar_09.jpg]

يا ريت تاخدي معاكي شنطة كبيرة علشان تاخديها معاكي على البلاج وتحطي فيها كل احتياجاتك اللي إنت عايزاها زي "السندويتشات"، "فوطة البلاج"، والاحتياجات الشخصية التانية زي "كريم الوقاية من أشعة الشمس" و"بونيه للشعر" علشان لو هتنزلي البحر.

ثالثا: افحصي كل حاجة موجودة
http://www.boswtol.com/mastaba/images/204/kamar_10.jpg

بعد كده ابدأي في فحص كل الحاجات دي وشوفي إذا كانت الحاجات دي موجودة عندك في البيت ولا لأ علشان لو موجودة يبقى هتبدأي في حطّها في الشنطة ولو مش موجودة يبقى انزلي اشتريها وإنت لسه عندك وقت.

رابعا: جهزي سندويشات
http://www.boswtol.com/mastaba/images/204/kamar_11.jpg

يا ريت ليلة المصيف تجهزي السندويشات اللي إنت هتاخديها معاكي تاني يوم وإنت مسافرة.
أو ممكن تعملي وجبة كاملة وتاخديها معاكي علشان أول لما توصلي بالسلامة تسخنيها وتاكليها بدل ما تشتري أكل من برة..

أعتقد بكده تكوني جهّزتي كل حاجة في المصيف..

[twolights]

انا رايحه الاربعاء يا مونى ان شاء الله
وهسمع كلامك حااااااااضر


بس حد يقولى على صن بلوك حلو
لانى جربت كتييييييير وبردو باجى ف الاخر وبشرتى تحمر

[amalgam]

مع تمنياتي باجازة سعيدة
انا لسه شوية على المصيف
عندنا حالة طوارئ من نوع اخر ( في الوزارة عشان الانفلونزا) والاجازات ملغية
بس على مييييييين
هزوغ كام يوم بس الشهر الجاي برده ان شاء الله
هههههههههههه

مؤقتا دلوقتي ممكن اخد السندوتش ده واروّح
http://www.boswtol.com/mastaba/images/204/kamar_11.jpg
هههههههه

شكرا موني

[dr_mony_2010]

هما بتوع الاسنان مالهم و مال الطوارئ ؟؟؟؟

[amalgam]

قوليلهم يختي
مال الاسنان بالانفلونزا اساسا؟
يللا

في الهم مدعية وفي الفرح منسية

[سما]

انا هحاول اجرب يمكن مانساش نصف حاجاتى زى كل مرة

[yara]

ليييييه كدا يامونىجريتى ريقى على المصيف قربت اقعد عالكمبيوتر لابسة عوامة الللىىىىىىىىىى مسافر يبعتلى

[yara]

على فكرة يا تولايتس الصن بلوك اهم حاجة تبصى على نسبة الحماية فيه بتبقى اعلى من 30فى المية والمفروض لما تستخدمية تغيريه كل ساعتين يعنى ابقى خديه معاكى على البحر

[twolights]

ميرسى يا يارا

اشوفكم بعد اسبوع يا بنات
هتوحشونى والله